Það eru skiptar skoðanir um hvenær eigi að sækja jólaskrautið í geymsluna og skreyta heimilin. Mörgum finnst jólaskreytingarnar vera sífellt fyrr á ferðinni eftir því sem árin líða en aðrir telja að það sé eiginlega aldrei of snemmt að byrja að skreyta fyrir hátíð ljóss og friðar. En sálfræðingurinn Steve McKeown segir að það sé mjög góð ástæða fyrir að setja jólaskrautið upp í nóvember.

Í samtali við Unilad sagði hann að í heimi sem einkennist af stressi og kvíða finnist fólki gott að hafa hluti í kringum sig sem gleður það og jólaskraut kalli fram sterkar tilfinningar úr æskunni. „Jólaskraut er einfaldlega aðferð til að finna leið að þeim tilfinningum af spennu og töfrum sem margir muna eftir úr æsku.

Unilad segir einnig að rannsókn hafi leitt í ljós að fólk sem setur jólaskrautið snemma upp sé glaðara en þeir sem bíða með það.

Er þá eftir neinu að bíða? Er ekki bara að grafa skrautið upp og skreyta?