Þetta er að minnsta kosti mat lögreglunnar. Burnham var handtekinn síðasta föstudag. Daginn áður fundust bróðir hans, Brian Robinett 58 ára, og eiginkona hans, Kelly Sue Robinette 57 ára, látin á heimili sínu í Baltimore. Þau höfðu verið skotin til bana. Rebecca Reynolds, 83 ára fjölskylduvinur, fannst einnig látin.
Eftir morðin flúði Burnham í rauðri Corvettu bróður síns. Lögreglan í Vestur-Virginíu sá til ferða hans á bílnum og handtók hann. Heima hjá honum fann lögreglan tómar umbúðir utan af skotum í Smith & Wesson skammbyssu.
Daginn fyrir morðin hafði móðir hans gert lögreglunni viðvart og sagðist hafa áhyggjur af andlegri heilsu hans og sagði að hann hefði sagt bróður sínum að hann teldi að bóluefnin gegn kórónuveirunni væru eitur sem bandarísk yfirvöld væru að dæla í landsmenn.
