Þegar hann drakk bjórinn þetta örlagaríka kvöld varð það til þess að hann fékk sjúkdóm sem nefnist retrograde cricopharyngeus en hann veldur því að vöðvi í hnakkanum getur ekki slakað á og það kemur í veg fyrir að loft komist upp á við, hann gat sem sagt ekki ropað.
Eftir að hafa þjáðst í 20 ár las hann um þennan sjaldgæfa hálssjúkdóm og áttaði sig á hvað þjáði hann. Hann fór í kjölfarið í aðgerð sem gjörbreytti lífi hans.
BBC hefur eftir honum að veikindin hafi haft áhrif á félagslíf hans því hann hafi ekki getað farið út með vinum sínum að fá sér bjór. „Vinir mínir fóru út að drekka bjór en það gat ég bara ekki, þetta var mjög óþægilegt, ég blés upp og þannig endaði kvöldið. Með árunum áttaði ég mig á að svona var ég bara, þetta var bara eitthvað sem ég lifði með,“ sagði hann.
Hann hafði áður leitað til læknis og verið sagt að taka lyf sem bæta meltingu og vinna gegn brjóstsviða en það gerði ekkert gagn.
Hann las síðan um sjúkdómseinkennin á samfélagsmiðlinum Reddit og áttaði sig þá á að hann væri ekki sá eini sem glímdi við þetta. Síðan frétti hann af aðgerð, þar sem botox er sprautað í umræddan vöðva og veikir hann tímabundið, og greiddi hann sem nemur um 170.000 íslenskum krónum fyrir aðgerðina sem fór fram í júní.
Fyrstu tvær vikurnar varð hann að drekka mat með hverjum munnbita en eftir aðeins fjóra daga fór hann að sjá áhrif aðgerðarinnar. „Núna eru komnir fjórir mánuðir og þetta er fullkomið, ég get ropað, hugsanlega of mikið ef eitthvað er,“ sagði hann.
