66 ára þýskur karlmaður er nú fyrir rétti í Þýskalandi ákærður fyrir morð og að hafa vanað nokkra karlmenn með því að framkvæma ólöglegar aðgerðir á kynfærum þeirra. Fyrir dómi sagði maðurinn að hann hefði gert þetta að beiðni mannanna. Aðgerðirnar gerði hann á eldhúsborðinu heima hjá sér.

Fyrir dómi sagði maðurinn að hann hefði gert þetta að beiðni mannanna. Hann sagðist hafa auglýst þessa „þjónustu“ sína á vefsíðu sem sadó-masókistar nota mikið. Þetta hafi hann gert til að geta greitt niður skuldir sínar.

Hann byrjaði síðan að gera aðgerðir af þessu tagi á eldhúsborðinu heima hjá sér í bænum Markt Schwaben. Hann sagði fórnarlömbunum að hann væri menntaður læknir.

Maðurinn sagði dómaranum að hann hefði vanað eða fjarlægt hluta af kynfærum átta karla frá því í júlí 2018 þar til í mars 2020. Hann neitaði að bera ábyrgð á dauða eins manns sem lést nokkrum dögum eftir „aðgerð“. Lögreglan fann lík mannsins í kassa þremur vikum eftir „aðgerðina“.