Hann skrifaði grein um þetta í vísindaritið Scientific American og sagði þar að ef þetta sé rétt þá muni þetta sameina trúarlegar kenningar um að æðri vera hafi skapað alheiminn og veraldlegar kenningar um þyngdarskammtafræði. Rétt er að hafa í huga að grein Loeb er ekki byggð á rannsókn heldur er um skoðanagrein að ræða.
Í umfjöllun Futurism um grein Loeb kemur fram að eitt það áhugaverðasta í kenningu hans sé um flokkunarkerfi menningarheima. Hann segir að mannkynið sé í C-flokki, lítt tæknilega þróað samfélag sem þarfnast sólarinnar sinnar.
Ef og þegar tækni okkar kemst á það stig að við verðum ekki háð sólinni þá komumst við í flokk B segir hann. Ef okkur tekst að skapa okkar eigin „barnaalheim“ í tilraunastofu (eins og meintir skaparar okkar) þá verðum við í A-flokki.
Hann segir einnig að auðvitað standi eitt og annað í vegi fyrir að við getum náð þessum áfanga. Stærsta hindrunin er að við getum ekki búið til nægilega mikið af þéttri hulduorku á litlu svæði. Ef við náum því stigi að geta gert það þá getum við komist í A-flokk eins og meintir skaparar okkar.
