Í gær fannst keníska hlaupastjarnan Agnes Tirop látin á heimili sínu í Kenía. Hún var með stungusár á maga og í hnakkanum. Lögreglan telur að eiginmaður hennar hafi orðið henni að bana. Tirop hafði tvisvar unnið til bronsverðlauna á HM í frjálsum íþróttum.

BBC skýrir frá þessu. Fram kemur að lík hennar hafi fundist á heimili hennar í Iten í gær en faðir hennar tilkynnti lögreglunni daginn áður að hennar væri saknað. Tom Makori, lögreglustjóri, sagði að Tirop hafi verið í rúmi sínu þegar lögreglan kom á vettvang. „Það var blóðpollur á gólfinu. Frumrannsókn bendir til að maðurinn hennar hafi verið að verki,“ sagði Makori.

Lögreglan leitar nú að eiginmanninum.

Tirop var 25 ára. Hún varð heimsmeistari í víðavangshlaupi 2015 og fékk bronsverðlaun í 10.000 metra hlaupi á HM 2017 og 2019. Hún varð í fjórða sæti í 5.000 metra hlaup á Ólympíuleikunum í Tókýó í sumar.