Mark Zuckerberg, forstjóri samfélgsmiðlarisans Facebook, hefur greint frá því að lokað verði á reikning Donalds Trump Bandaríkjaforseta að miðlinum tímabundið. Þetta kemur fram í færslu frá Zuckerberg á Facebook, sem hefst svona:
„Óhugnanlegir atburðir síðasta sólarhrings sýna augljóslega fram á að Donald Trump ætlar sér að nota það sem eftir er af kjörtímabili sínu til að grafa undan friðsælum og löglegum valdaskiptum til verðandi forseta, Joe Biden.“
Zuckerberg segir að Trump hafi ýtt undir hegðun þeirra sem brutust inn í Bandaríkjaþing frekar en að fordæma hana. Þá hafi Facebook eytt færslum hans vegna ótta um að þær myndu ýta undir frekara ofbeldi. Hann segir að síðustu ár hafi Trump fengið að láta skoðanir sínar í ljós á samfélagsmiðlinum því það hafi verið trú Facebook að skoðanir hans mættu koma í dagsljósið þó þær væru öfgafullar og umdeildar. Nú sé ástandið annað og sé Facebook-reikningur Trump sé ógn við lýðræði Bandaríkjanna.
Fram kemur að lokun á reikningi Trump muni að minnsta kosti gilda í tvær vikur, þangað til að búið sé að skipta um valdhafa á friðsælan hátt.
https://www.facebook.com/zuck/posts/10112681480907401
