Umsóknirnar eru mun fleiri en reiknað var með þegar sjóðurinn var settur á laggirnar á síðasta ári en þá var reiknað með að um 100 umsóknir myndu berast.
Þeir umsækjendur sem fengu höfnun á umsóknum sínum eða höfnuðu þeim bótum sem þeim voru boðnar geta enn farið aðrar leiðir með kröfur sínar á hendur Epstein.
Jordana Feldman, sem stýrir sjóðnum, segir í yfirlýsingu að þolendurnir „hafi haft tækifæri til að tala um málin í öruggu umhverfi þar sem þeir gátu deilt nákvæmum, persónulegum og skelfilegum lýsingum á því sem þeir gengu í gegnum“.
Feldman sendi frá sér yfirlýsingu um stöðu mála í dag en í dag eru nákvæmlega tvö ár liðin síðan Epstein fannst látinn í fangaklefa sínum í New York. Hann hafði skrifað undir erfðaskrá sína tveimur dögum áður. Hann beið réttarhalda vegna ákæru um mansal og kynferðisbrot gegn börnum. Hann átti allt að 45 ára fangelsi yfir höfði sér.
Hin opinbera dánarorsök Epstein er sögð vera sjálfsvíg en margir eru fullir efasemda um það og telja að honum hafi verið ráðinn bani vegna tengsla hans við valdamikið fólk. Í nýlegri umfjöllun DV er hægt að lesa meira um efasemdir Julie K. Brown um dánarorsökin en það var hún sem kom máli Epstein af stað með umfjöllun um hann.
Hún afhjúpaði Jeffrey Epstein – Er full efasemda um dauðdaga hans
