Íbúar í indverska bænum Shuklapur, sem er í norðurhluta landsins, hafa komið sér upp altari til heiðurs nýrrar gyðju en það er engin önnur er „kórónugyðjan“. Bæjarbúar gefa henni gjafir í þeirri von að guðdómleg íhlutun hennar geti orðið til að gera út af við kórónuveiruna.

Reuters segir að íbúar í bænum biðji bænir við altarið og skilji eftir heilagt vatn og blóm hjá gyðjunni. „Kannski mun hún með blessun sinni frelsa okkur, bæinn okkar og alla aðra,“ sagði einn bæjarbúa að söng Reuters.

Heimsfaraldurinn herjaði af miklum krafti á Indlandi í apríl og maí en að undanförnu hefur ástandið heldur lagast og smitum fækkað mikið en hvort það er „kórónugyðjunni“ að þakka er ekki ljóst.