Nýlega ætlaði par eitt að ganga í það heilaga á Indlandi. Á sjálfan brúðkaupsdaginn lést brúðurin af völdum hjartaáfalls. Læknir reyndi að bjarga lífi hennar en það tókst ekki. Samkvæmt frétt News 18 þá var fjölskylda brúðarinnar, sem hét Surbhi, þeirrar skoðunar að ekki ætti að aflýsa brúðkaupinu þar sem búið var að stefna fjölskyldum parsins til athafnarinnar og veislunnar.

Því var stungið upp á því að yngri systir Surbhi myndi koma í hennar stað og ganga að eiga brúðgumann. Þetta hljómar eins og hugmynd og atburðarás úr lélegri kvikmynd en þetta er fúlasta alvara.

„Við vissum ekki hvað við áttum að gera. Báðar fjölskyldurnar sátu saman og einhver stakk upp á yngri systir mín, Nisha, skyldi giftast brúðgumanum,“ hefur Times of India eftir bróður hinnar látnu.

„Þetta var undarleg staða því brúðkaup yngri systur minnar fór fram á meðan lík annarrar systur minnar lá í öðru herbergi,“ sagði hann einnig.