The Guardian skýrir frá þessu. Í byrjun mánaðarins bárust fregnir af „hryllingshúsinu“ sem er grænt og stendur við götu sem heitir Estévez og er í Chalchuapa. Eins og svo margir aðrir, sem eiga ættingja sem eru týndir, vonast Jessenia til til þess að nú geti hún fengið svör við hvað varð um son hennar. „Ég vonast til að bein hans finnist að minnsta kosti svo ég geti jarðsett hann og öðlast frið,“ hefur The Guardian eftir henni.
Ástæðan fyrir ferð Elizabeth að græna húsinu er að lögreglan fann lík þar, mörg lík. Það gerðist eftir að nágrannar hringdu í lögregluna aðfaranótt 7. maí og tilkynntu að hávær kvenmannsöskur bærust frá húsinu. Þegar lögreglan kom á vettvang fann hún unga konu og móður hennar í húsinu. Þær lágu í blóðpolli og voru látnar. Talið er að húseigandinn, Hugo Ernesto Osorio Chávez, hafi myrt þær með því að lemja þær með járnröri. Hann er 51 árs, fyrrum lögreglumaður. Þegar lögreglumenn leiddu hann út úr húsinu hnutu þeir nánast um tvö hálfgrafin lík við sólpall hússins. Lögreglan telur að Osorio sé raðmorðingi og að hann hafi grafið fjölmörg fórnarlamba sinni á lóðinni við húsið.
Ekki liggur fyrir með fullri vissu hversu mörg lík eru grafin á lóðinni en talið er að þau séu ekki færri en 15 og hugsanlega allt að 40.
The Guardian segir að talið sé að flest líkin séu af ungum konum sem Osorio hafi lokkað með heim undir því yfirskini að hann gæti fundið vinnu fyrir þær í Mexíkó. Að minnsta kosti þrjú börn eru á meðal fórnarlambanna, tveggja, sjö og níu ára.
Auk Osorio hafa níu til viðbótar verið handteknir vegna málsins. Þeir eru grunaðir um að hafa stundað smygl á fólki. Lögreglan telur líklegt að Osorio hafi einnig grafið fórnarlömb annarra morðingja í garðinum sínum.
