Kínverskur dómstóll dæmdi nýlega mann til að greiða fyrrum eiginkonu sinni sem nemur um einni milljón íslenskra króna fyrir heimilisstörfin sem hún sá að mestu um í þau fimm ár sem þau voru gift. Að auki þarf hann að greiða henni mánaðarlegt framlag upp á sem nemur um 40.000 íslenskum krónum um ókomna framtíð.

Metro skýrir frá þessu. Fram kemur að dómurinn byggi á lagabreytingu sem var gerð en hún kveður á um að ef hjón hafa ekki sinnt heimilisstörfunum til jafns geti það sem sá um megnið af þeim farið fram á bætur vegna þess ef til skilnaðar kemur. Áður þurfti að setja sérstakt ákvæði um þetta í kaupmála en nú þarf þess ekki lengur.

Dómarinn, Feng Miao, rökstyður dóm sinn með því að heimilisstörfin hafi skapað eignaverðmæti sem hafi aukið möguleika makans á að hagnast fjárhagslega.

Dómurinn hefur vakið athygli og miklar umræður á samfélagsmiðlum í Kína. Ekki bara af því að þetta er fyrsti dómurinn þessara tegundar heldur einnig vegna þess að fólk finnist almennt að konan hafi fengið allt of lágar bætur.