New York Post segir að Hallmark hafi verið handtekin nýlega vegna málsins. Hún sá meðal annars um að þjálfa knattspyrnulið skólans en fórnarlamb hennar var í liðinu.
Fórnarlambið skýrði lögreglunni frá því að hún hafi verið í áttunda bekk þegar hún og Hallmark hafi byrjað að senda hvor annarri skilaboð, þetta var í ágúst 2017.
Einu ári síðar byrjaði Hallmark síðan að misnota hana kynferðislega en þá var stúlkan orðin 15 ára. Þá byrjuðu þær að skiptast á nektarmyndum og töluðu saman á Snapchat um að kyssast og láta vel að hvor annarri. Þetta færðist síðan yfir í kynferðisofbeldi þegar Hallmark og stúlkan fóru að stunda kynlíf eftir æfingar.
„Hún sagði að Hallmark og hún sjálf hafi viljað stunda kynlíf í skólastofunni eftir að hafa snúið eftirlitsmyndavélunum og hallað sér upp að hurðinni svo enginn kæmist inn,“ segir í lögregluskýrslu sem New York Post vísar í. Stúlkan sagði einnig að þær hafi margoft hist heima hjá hvor annarri og stundað margvíslegt kynlíf.
Rannsókn á farsíma stúlkunnar sýndi að þær hefðu átt í „óviðeigandi sambandi“ sem lauk í ágúst 2020 að sögn lögreglunnar.
