Breska fjármálafyrirtækið Blacktower hefur sett saman lista yfir þau lönd í Evrópu með bestu lífskjörin fyrir eftirlaunaþega. Meðal þess sem tekið var tillit til við gerð listans eru lífsskilyrði, glæpatíðni, fasteignaverð og hve stór hluti þjóðarinnar er yfir 64 ára að aldri.

Í þessum Evrópulöndum er best að vera eftirlaunaþegi:

1. Finnland
2. Slóvenía
3. Spánn
4. Eistland
5. Danmörk
6. Portúgal
7. Holland
8. Þýskaland
9. Austurríki
10. Ítalía

Finnland skipar efsta sæti listans, en landið var í öðru sæti árið áður. Það er þó ekki vegna þess að landið sé í efsta sæti í stökum flokkum, heldur er um meðaltal allra flokka að ræða. Þegar litið er til einstakra flokka er Serbía það land þar sem húsnæðisverð er lægst, Ítalía er með flesta íbúa yfir 65 ára aldri, í Sviss eru hæstu lífslíkurnar og í Úkraínu er ódýrast að lifa, þó skipar Úkraína neðsta sæti listans, þegar litið er á meðaltal allra þátta.

Evrópusambandið gerir ráð fyrir því að árið 2070 verði íbúar sambandsins orðnir 520 milljónir.