Hann krefst um 25 milljóna dollara í bætur. New York Post segir að 56 blaðsíðna löng stefna hans á hendur Twitch hafi verið lögð fram hjá dómstóli í Santa Clara þann 15. júní síðastliðinn. Í stefnunni kemur fram að Erik telji að Twitch, sem er í eigu Amazon, hafi markvisst beint „vafasömu kynferðislega hlöðnu efni að honum frá kvenkyns tölvuleikjaspilurum“.
Hann segist vera kynlífsfíkill og segir að allt þetta daglega áhorf á konurnar spila tölvuleiki hafi orðið til þess að hann hafi notað svokallað Fleslight til að fróa sér á meðan. Þetta endaði að hans sögn með að getnaðarlimur hans eyðilagðist.
https://www.instagram.com/p/B_3elbwH5Fh/?utm_source=ig_embed
Twitch segir að Erik fylgi 786 konum en engri konu á streymisveitunni. Hann segir að vegna mikillar sjálfsfróunar hafi hann fengið mikla verki i getnaðarliminn og hafi orðið að fá meðhöndlun með sýklalyfi. Hann segir einnig í stefnu sinni að eitt sinn hafi hann fengið sáðlát yfir tölvuskjáinn og það hafi valdið því að skammhlaup varð í tölvubúnaði hans og eldur hafi komið upp sem varð til þess að rafmagnið fór af húsinu hans.
Talsmaður Twitch sagði í samtali við New York Post að ásakanir Erik væru lygi og ekkert á bak við þær.
Erik segist þjást af þunglyndi og fleiri geðsjúkdómum auk þess að vera kynlífsfíkill. Eina áhugamál hans sé að spila tölvuleiki og hann fari ekki mikið út. Hann hefur áður krafist bóta frá Microsoft, Sony, Nintendo og Blizzard án þess að hafa nokkuð upp úr krafsinu. Af þessum sökum hafa bandarískir fjölmiðlar sagt hann vera „raðmálshöfðara“.
