Á Norðurlöndunum fimm, Íslandi, Danmörku, Svíþjóð, Noregi og Finnlandi búa samtals 27,3 milljónir manna. 2.790 hafa látist í löndunum fimm af völdum COVID-19 veirunnar og er dánartíðnin því 10,2 á hverja 100.000 íbúa. Það er þó mikill munur á dánartíðninni á milli landanna. Engin andlát hafa verið skráð í Færeyjum og Grænlandi.

Samkvæmt tölum frá Johns Hopkins háskólanum þá var staðan í löndunum fimm eftirfarandi í nótt. Tölurnar í svigum eru dánartíðni á hverja 100.000 íbúa.

Svíþjóð – 2.021 hafa látist. 84 á síðasta sólarhring. (19,8)

Danmörk – 394 hafa látist. 10 á síðasta sólarhring. (6,8)

Noregur – 193 hafa látist. 6 á síðasta sólarhring. (3,6)

Finnland – 172 hafa látist. 23 á síðasta sólarhring. (3,1)

Ísland – 10 hafa látist.  Engin síðasta sólarhring. (2,7)