Á föstudag skrifaði hin breska Katy Helend tíst sem farið hefur um allan heim. Katy hafði þá farið í gegnum síðustu lyfjameðferðina og vildi deila þessum fréttum með fylgjendum sínum 12 á Twitter. En tístið fór heldur betur á flug.

„Ég tísti ekki oft og ég er bara með 12 fylgjendur, en í dag var síðasta lyfjameðferðin mín og ég vildi segja öllum frá því (allavega 12 manneskjum)!“, skrifaði hún. Þessi tveggja barna móðir bjóst ekki við því að þetta tíst hennar myndi fara um allan heim. Tæplega milljón notenda hafa „líkað við“ innleggið og yfir 100.000 hafa skrifað athugasemd við það.

„Ég trúi því varla hvað það eru margir sem hafa séð þetta. Ég tók upp nokkrar sekúndur á dag, sem ég setti saman og ákvað að deila þessu litla myndbroti eftir síðustu lyfjameðferðina á Castle Hill sjúkrahúsinu“, segir hún við dagblaðið Hull Live.

Faðmlag frá öllum heiminum

I don’t tweet often, I only have 12 followers, but today was my final chemo session and I want to tell everyone (well 12 people at least! 😉) pic.twitter.com/jFXyZ1bIpF

— honeybunny (@katyhelend) January 30, 2020

Katy segir í viðtali við sjónvarpsstöðina BBC Easty Yorks and Lincs að hún sé angdofa yfir viðbrögðunum. Á örfáum dögum hefur hún bætt við sig 30.000 fylgjendum. Hún segir í myndbandi á Twitter, að þetta sé eins og að allur heimurinn taki utan um þig og gefi þer stórt knús.

Hún segir einnig frá því að í september hafi hún greinst með sjaldgæfa tegund brjótakrabbameins en að góðu fréttirnar hafi verið þær að lyfjameðferð virki mjög vel á þessa tegund krabbameins.