Samkvæmt Mark Sutherland hjá lögreglunni í Glasgow, verður kynþáttaníð ekki liðið og mun lögreglan rannsaka öll þau mál sem upp koma. Nafn drengsins hefur ekki verið gefið upp, vegna þess hve ungur hann er.
Stuttu eftir að lögreglan hafði staðfest ákæruna sendu Rangers frá sér tilkynnngu um atvikið. Í tilkynningunni gagnýnir félagið umfjöllun fjölmiðla um Alfredo Morales. Honum hefur meðal annars verð lýst sem svindlara og einn pistlahöfundur sagði að ef hann gæti ekki sætt sig við umtalið gæti hann bara farið heim. Félagið segir að það hljómi eins og pistlahöfundurinn vilji meina að sökin liggi hjá þeim sem velja að koma til Skotlands, en ekki hjá þeim sem beita kynþáttaníði. Rangers beina gagnrýni sinni sérstaklega að BBC í Skotlandi benda á að umfjöllun miðilsins um málefnið sé ábótavant og að það sýni landið í slæmu ljósi. Fréttatilkynningunni lýkur á því að drengum er boðið að taka þátt í einu af þeim námskeiðum sem Rangers standa fyrir þar sem fólki er hjálpað að skilja hvers vegna það sé óásættanlegt að mismuna fólki.
Atvikið hefur vakið mikil viðbrögð á Twitter, einn notandi gagnrýnir lögregluna fyrir það að ákæra 12 ára dreng. Blaðamaður Sunday Mirror gagnrýnir viðbrögð Rangers og segir að það felist ákveðin hræsni í fréttatilkynningunni um drenginn sem var ákærður, í ljósi þess að UEFA ávítti félagið fyrir fordómafulla hegðun áhorfenda.
