Charlie Munger, sem er stjórnarformaður Daily Journal en er þó þekktastur fyrir að vera hægri hönd fjárfestisins Warren Buffett í fjárfestingarfélaginu Berkshire Hathaway, segir að dökk ský séu nú á lofti í efnahagsmálum. Hann segir fjárfesta taka áhættu í dag.

„Ég held að það verði mikill órói.“ Sagði hann nýlega að sögn CNBC. Margir leggja við hlustir þegar hann ræðir um efnahagsmál en hann er talinn einn besti fjárfestir sögunnar.

Hann lagði áherslu á að margir fjárfestar taki mikla áhættu þegar þeir fjárfesta, sérstaklega í Kína.

„Þeir elska að veðja á kínversk hlutabréf. Það er mjög heimskulegt. Það er erfitt að ímynda sér eitthvað heimskulegra en það hvernig Kínverjar stunda hlutabréfaviðskipti.“