Þetta sagði Sturla Pilskog, þvagfærasérfræðingur og yfirlæknir á sjúkrahúsinu í Bærum í Noregi, í sjónvarpsþættinum God morgen Norge í síðustu viku. Þar ræddi hann um eitt og annað sem tengist getnaðarlimum karla.
Hann sagði að flestar spurningar karla um líffærið snúist um hvort limur þeirra sé nægilega stór, of brátt sáðlát, bletti á limnum og vandamál með að ná reisn.
Hann benti á að stærðin hafi ekki mikið að segja þegar kemur að virkni limsins og að flestir séu með eðlilega getnaðarlimi. Hann sagði meðalstærð getnaðarlima norskra karla vera á bilinu 13 til 14 sm.
„Það er meira en nóg. Miklu minni limir koma að góðu gagni við það sem á að nota þá til.“
Sagði Sturla sem sagðist hafa verið með sjúklinga sem voru með limi allt niður í 3,5 sm og hafi þeir ekki átt í neinum vandræðum með að eignast börn.
Hann sagði íslenska karla vera þá best vöxnu niður í Evrópu en meðallimastærð þeirra sé 15 sm en ekki sé vitað af hverju.
Hann sagði að bæði sjálfsfróun og fullnægingar hafi ýmis jákvæð áhrif. Það losi um efni í heilanum og blóðinu sem geti unnið gegn stressi, svefnvandamálum, þunglyndi og kvíða. Hann sagði einnig að það geti dregið úr líkunum á að fá blöðruhálskrabbamein ef karlar stunda sjálfsfróun. En hann sagði að sá hængur væri á þessu að karlar verði að fróa sér rúmlega 20 sinnum í mánuði til að ná þessari virkni.
