Þann 21. júlí 2016 mældist hitinn i Mitribah, í norðvesturhluta Kúveit, 53,9 gráður. Þetta var þá mesti hiti sem mælst hafði á jörðinni með áreiðanlegum hætti og mesti hiti sem nokkru sinni hafði mælst í Asíu.

Þetta var kannski óvenjulega mikill hiti þrátt fyrir að íbúar Kúveit séu vanir miklum hita á sumrin. Í júlí er hitinn oft rúmlega 40 gráður. Þetta veldur því að flestir halda sig innandyra í loftkældum húsum sínum yfir heitasta tíma dagsins. En það eru ekki allir sem búa svo vel að hafa loftkælingu og verða að þrauka þennan mikla hita án loftkælingar.

En hætt er við að loftslagsbreytingarnar muni enn auka hitann í Kúveit og gera sumrin enn hlýrri og þar með óbærilegri.

Á veturna er ástandið mun betra en þá er meðalhitinn aðeins 13,5 gráður svo þá er öllu lífvænlegra í landinu. En hinir miklu sumarhitar gera íbúum lífið leitt og ekki þarf að spyrja að leikslokum ef enn hlýrra verður í framtíðinni.