Hjúkrunarfræðingur, Lucy Letby, hefur verið handtekin í þriðja sinn vegna rannsóknar lögreglunnar í Cheshire á Englandi á mörgum andlátum kornabarna á Countess of Chester sjúkrahúsinu. Hún er grunuð um að morð á átta börnum og að hafa reynt að myrða tíu til viðbótar.
Sky News skýrir frá þessu og hefur eftir lögreglunni að Letby sé nú í haldi og að foreldrum barnanna hafi verið skýrt frá þessu. Í tilkynningu frá lögreglunni segir að Letby hafi verið handtekin á þriðjudaginn og verði færð fyrir dómara í dag þar sem henni verður kynnt kæra lögreglunnar
Rannsókn lögreglunnar hefur staðið yfir í rúm þrjú ár og hefur hópur lögreglumanna unnið að henni allan þennan tíma. Rannsóknin er mjög flókin og viðkvæm og því tímafrek.
Börnin létust á tímabilinu frá júní 2015 til júní 2016. Letby var einnig handtekin 2018 og 2019 vegna rannsóknar málsins.
