Auglýsing frá ástralskri fasteignasölu hefur vakið nokkra athygli að undanförnu. Um er að ræða auglýsingu á þriggja herbergja húsi sem virðist vera í frekar slæmu ástandi ef miðað er við myndirnar sem fylgja. En það er ein af myndunum sem er ástæðan fyrir „vinsældum“ auglýsingarinnar á netinu að undanförnu.

Eins og sjá má á myndinni hér fyrir neðan er veggfóðrið ansi óvenjulegt og eiginlega bara óhugnanlegt. Margir spyrja sig af hverju fólk setji veggfóður sem þetta, sem sýnir litla stúlku með bangsa í fanginu standa í dyragætt, á stofuvegg.

Ekki kemur fram í auglýsingunni hvort myndin sé af fyrrum íbúa í húsinu eða hvort það sé einhver önnur ástæða fyrir vali á veggfóðri. Það má telja líklegt að næsti eigandi hússins fjarlægi veggfóðrið, ef hann rífur ekki bara húsið til grunna en það er ekki í góðu standi og vægast sagt mikil vinna fram undan ef hressa á upp á það.

Hér er hægt að sjá fleiri myndir af húsinu.