Trump nýtur mun minna fylgis en Joe Biden miðað við skoðanakannanir og töluverð umræða fer fram um hvaða ríki skipti Trump máli til að hann haldi völdum. En fyrir Trump snúast kosningarnar kannski um fleira og jafnvel mikilvægari hluti.
Á meðan hann gegnir forsetaembættinu nýtur hann ákveðinnar verndar gegn opinberum rannsóknum og málshöfðunum en um leið og hann lætur af embætti missir hann þessa vernd. Það er því spurning hvað muni gerast með öll þau réttarhöld, tengd honum, sem eru hafin eða bíða þess að hefjast ef hann tapar kosningunum.
Trump hefur verið sakaður um svikastarfsemi í tengslum við fyrirækjarekstur hans, grunur er uppi um skattsvik af hans hálfu, hann hefur verið sakaður um kynferðislega áreitni og misnotkun forsetaembættisins í eigin þágu.
Lögmenn hans hafa yfirleitt meira en nóg að gera. Trump hefur komið við sögu í rúmlega 3.500 málum hjá bandarískum dómstólum og hafa því mikla reynslu hvað það varðar. En erfiðir tímar gætu biðið þeirra miðað við það sem Robert Mueller, sérstakur rannsakandi á vegum FBI, sagði þegar fulltrúadeildin höfðaði mál á hendur Trump í upphafi árs til að reyna að svipta hann embætti.
„Munt þú ákæra forsetann fyrir afbrot eftir að hann lætur af embætti?“ spurði Ken Buck, öldungadeildarþingmaður Repúblikana.
„Já,“ var svar Mueller.
