Síðdegis á sunnudaginn þvinguðu þrír eða fjórir grímuklæddir menn 38 ára karlmann upp í bíl í Helsingborg í Svíþjóð. Næstu klukkustundir misþyrmdu þeir honum í bílnum og enduðu á að henda honum út úr bílnum á afskekktum stað á Skáni. Hann náði sjálfur að hafa samband við lögregluna.

Aftonbladet skýrir frá þessu. Haft er eftir talsmanni lögreglunnar að mannræningjarnir hafi reynt að aflima manninn.

Maðurinn hefur aldrei komið við sögu lögreglunnar sem hefur enga hugmynd, frekar en hann sjálfur, af hverju honum var rænt og hann pyntaður.

„Miðað við hegðun hans er það ráðgáta af hverju hann lenti í þessu. Það er ráðgáta fyrir okkur og hann. En hugsanlega er eitthvað sem hann segir okkur ekki,“

sagði talsmaður lögreglunnar.