fbpx
Fimmtudagur 29.október 2020
FréttirPressan

Bretar herða reglur vegna kórónuveirunnar – Að hámarki sex manns mega safnast saman

Kristján Kristjánsson
Miðvikudaginn 9. september 2020 06:59

Mynd: Getty.

Ekki missa af Helstu tíðindum dagsins í pósthólfið þitt

Lesa nánar

Bresk stjórnvöld tilkynna í dag um hertar aðgerðir vegna heimsfaraldurs kórónuveirunnar. Ástæðan er að smitum hefur farið fjölgandi í landinu að undanförnu og því telja yfirvöld að grípa þurfi inn í þróun mála til að reyna að snúa henni við.

Samkvæmt frétt Sky þá mega að hámarki sex manns safnast saman frá og með næsta mánudegi. Samkvæmt núgildandi reglum mega allt að 30 manns safnast saman. Bannið gildir utandyra, á heimilum, börum, veitingastöðum og annars staðar. Fólk verður sektað um 100 pund fyrir fyrsta brot og síðan tvöfaldast sektarupphæðin við hvert brot þar til hún nær hámarkinu sem verður 3.200 pund. Sky segir að Boris Johnson, forsætisráðherra, muni tilkynna þetta þetta í dag.

„Við verðum að stöðva útbreiðslu veirunnar. Við erum því að einfalda og styrkja regluverkið hvað varðar félagsleg samskipti og þannig auðvelda fólki að skilja þetta og lögreglunni að framfylgja,“

mun Johnson segja á fréttamannafundi í Downingstræti 10 í dag að sögn Sky. Hann mun að sögn einnig segja að það sé nauðsynlegt að fólk fylgi þessum reglum og muni eftir grunnatriðunum að þvo hendur, hylja vit, gæta að fjarlægð á milli sín og annarra og fara í sýnatöku ef það er með einkenni smits.

Það verða nokkrar undantekningar á banninu við að ekki megi fleiri en sex safnast saman en bannið gildir bæði utan- og innahúss.

Bannið nær ekki til þeirra sem búa saman eða þegar fólk er í vinnu eða námi. Einnig verða brúðkaup, útfarir og skipulagðir íþróttaviðburðir undanþegnir banninu ef öðrum reglum um öryggi þátttakenda er fylgt.

Tíðni smita hefur aukist mikið í Bretlandi að undanförnu og nú er svo komið að smitin eru rúmlega 20 á hverja 100.000 íbúa. Heilbrigðisyfirvöld eru sögð hafa þrýst mjög á ríkisstjórnina um að herða reglurnar eftir að smitum fór að fjölga mikið en þau eru nú farin að vera tæplega 3.000 á sólarhring.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Fauci talar gegn Trump – Segir bólusetningu taka marga mánuði

Fauci talar gegn Trump – Segir bólusetningu taka marga mánuði
Pressan
Fyrir 2 dögum

Ævintýrið er á enda eftir aðeins sex mánuði – Efnisveitan gafst upp

Ævintýrið er á enda eftir aðeins sex mánuði – Efnisveitan gafst upp
Pressan
Fyrir 3 dögum

Það eru fleiri en Trump og Biden í framboði í bandarísku forsetakosningunum

Það eru fleiri en Trump og Biden í framboði í bandarísku forsetakosningunum
Pressan
Fyrir 3 dögum

Há dánartíðni í Bandaríkjunum – Tæplega 300.000 fleiri en vænta mátti

Há dánartíðni í Bandaríkjunum – Tæplega 300.000 fleiri en vænta mátti