Patrick Mahomes hefur tekið bandarísku NFL deildina með trompi og verður nú hæst launaðist íþróttamaður sögunnar í hópíþróttum í Bandaríkjunum. Hann hefur nú framlengt samning sinn við Ofurskálameistara Kansas City Chiefs og gildir samningurinn út 2031 tímabilið. Það er einsdæmi að svo langur samningur sé gerður í bandarísku ruðningsdeildinni.

Liðið skýrði frá þessu á Twitter. Bandarískir íþróttamiðlar, til dæmis NFL Network og ESPN, segja að samningurinn hljóði upp á 503 milljónir dollara. Þetta er því verðmætasti samningurinn í sögu NFL og allra hópíþrótta í Bandaríkjunum.  Enginn íþróttamaður hefur áður samið um laun upp á rúmlega hálfan milljarð dollara. Þetta er einnig í fyrsta sinn sem leikmaður í NFL er launahæsti leikmaður landsins.

Mahomes hefur leikið með Kansas City Chiefs í þrjú leiktímabil og hefur þótt standa sig frábærlega.