fbpx
Sunnudagur 14.september 2025
Pressan

Loksins var „Töfrarútan“ fjarlægð – Tveir létu lífið í leitinni að henni

Kristján Kristjánsson
Þriðjudaginn 23. júní 2020 05:40

Rútan fjarlægð. Mynd:Alaska National Guard

Ekki missa af Helstu tíðindum dagsins í pósthólfið þitt

Lesa nánar

Í síðustu viku var hin svokallaða „Töfrarúta“ fjarlægð úr óbyggðum Alaska. Rútan hafði öðlast einhverskonar „cultstatus“ hjá mörgum og margir lögðu leið sína að henni. Að minnsta kosti tveir létu lífið við leit að henni og fjölmargir slösuðust. En nú er búið að fjarlægja rútuna svo það er engin ástæða fyrir fólk að leita hennar.

Rútan öðlaðist frægð eftir að bókin „Into the Wild“ eftir Jon Krakauer kom út og síðan samnefnd kvikmynd 2007 sem Sean Penn leikstýrði. Bókin og þar af leiðandi myndin eru byggð á lífi Christopher McCandless.

Hann útskrifaðist frá Emroy háskólanum í Atlanta 1990. Hann hafði fengið nóg af samfélaginu og ákvað að yfirgefa fjölskyldu og vini. Hann fór á puttanum til Alaska 1990 og hélt út í óbyggðirnar. Þar fann hann rútuna. Hann bjó í rútunni í þrjá mánuði en ákvað síðan að halda aftur í siðmenninguna. Þegar hann reyndi að komast yfir ána Teklanika var of mikið vatn í henni og hann varð að snúa við. Hann fór aftur í rútuna og hélt til í henni í um mánuð áður en hann lést, 24 ára að aldri.

Eftir útkomu bókarinnar en ekki síður kvikmyndarinnar fundu margir hjá sér þörf fyrir að fara að rútunni sem fékk fljótlega viðurnefnið „Töfrarútan“.

Það var talið tímabært að fjarlægja rútuna. Mynd:Alaska National Guard

Frá 2009 til 2017 þurfti 15 sinnum að bjarga fólki, sem var að leita að rútunni, úr vanda. Erfið veðurskilyrði og mikið vatnsmagn í ám á svæðinu hafa yfirleitt verið ástæðan fyrir því að fólk lenti í vanda. Í febrúar á þessu ári bjargaði lögreglan fimm Ítölum sem voru á leið að rútunni. Einn þeirra hlaut alvarlega kaláverka.

2010 drukknaði Svisslendingur sem var á leið að rútunni og á síðasta ári drukknaði  maður frá Hvíta-Rússlandi á leið sinni að henni.

Í kjölfarið jókst þrýstingur á yfirvöld um að fjarlægja rútuna og það var gert í síðustu viku þegar þjóðvarðliðið flutti hana á brott með þyrlu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Jóhannes Valgeir látinn

Nýlegt

Pressan
Fyrir 3 dögum

Er þetta maðurinn sem skaut Charlie?

Er þetta maðurinn sem skaut Charlie?
Pressan
Fyrir 3 dögum

Nýbirt skjöl varpa ljósi á ástæður þess að hann sviðsetti eigið andlát

Nýbirt skjöl varpa ljósi á ástæður þess að hann sviðsetti eigið andlát
Pressan
Fyrir 3 dögum

903 daga martröð doktorsnemanda loks á enda

903 daga martröð doktorsnemanda loks á enda
Pressan
Fyrir 4 dögum

Móðir tók inn ketamín í unglingapartý til að fræða dóttur sína um fíkniefni- „Vanhugsuð tilraun til að vera gott foreldri“

Móðir tók inn ketamín í unglingapartý til að fræða dóttur sína um fíkniefni- „Vanhugsuð tilraun til að vera gott foreldri“
Pressan
Fyrir 4 dögum

Birta myndir af felustaðnum

Birta myndir af felustaðnum
Pressan
Fyrir 5 dögum

Bíræfið rán náðist á myndband og borgarstjórinn er hoppandi illur

Bíræfið rán náðist á myndband og borgarstjórinn er hoppandi illur