Írska lággjaldaflugfélagið Ryanair á von á að þurfa að segja 3.000 starfsmönnum sínum upp störfum á næstunni. Ástæðan er auðvitað COVID-19 faraldurinn og áhrif hans á flugsamgöngur. Félagið á ekki von á að flugsamgöngur komist í fyrra horf fyrr en eftir tvö ár að minnsta kosti.

Í tilkynningu frá félaginu kemur fram að það vænti þess að hægt verði að hefja flug að einhverju leyti í júlí en áður hafði verið vonast til að það yrði hægt í júní. Félagið reiknar með að ná að flytja um 22 milljónir farþega á öðrum ársfjórðungi en hafði áður áætlað að þeir yrðu 44 milljónir.

Fram kemur að félagið telji að það verði ekki fyrr en í fyrsta lagi sumarið 2022 sem eftirspurn og verð á flugmiðum verði komið í eðlilegt horf.

Félagið er eitt fjölmargra evrópskra flugfélaga sem hafa þurft að segja upp starfsfólki vegna áhrifa heimsfaraldursins.