Kántrísöngkonan Jessie James Decker, 32 ára, hefur verið harðlega gagnrýnd að undanförnu eftir að hún birti meðfylgjandi mynd af sér. Eins og sést situr hún fyrir í stuttermabol og nærbuxum í stól í svefnherberginu og er með rauðvínsglas í höndinni.

Myndin á greinilega að vera kynæsandi en hana birti Decker á Instagram. People skýrir frá þessu. Viðbrögðin við myndinni létu ekki á sér standa og margir spurðu hvort henni fyndist þetta viðeigandi.

Ástæðan er að í bakgrunni sést fjögurra ára sonur hennar í rúminu.

https://www.instagram.com/p/B_Q3C8CnnlY/?utm_source=ig_embed

Decker svarar fyrir sig og segist ekki taka gagnrýnina nærri sér. Hún segist kenna börnunum sínum að mannslíkaminn sé fallegur og ekkert til að skammast sín fyrir.

Einn spurði hana hvort hana þyrsti virkilega svona mikið í athygli.

„Já, ég fæ ekki næga ást. Fæ ég faðmlag?“

Skrifar Decker og fer mikinn í athugasemdakerfinu. Þar segir hún að kórónuveirufaraldurinn og sú heimavera sem fylgir honum valdi því að hún drekki meira áfengi en áður. Það geri hún þegar börnin hennar þrjú, sem eru 2, 4 og 6 ára, sofi.