Ef þú skiptir morgunkornsdiskinum út með stórum og góðum morgunverði getur það hjálpað til við að léttast og aukið hitaeiningabrennsluna rúmlega tvöfalt yfir daginn. Þetta eru niðurstöður nýrrar rannsóknar. Í rannsókninni voru efnaskipti 16 karla rannsökuð. Þeir voru beðnir um að borða morgunmat sem innihélt lítið af hitaeiningum og máltíð sem innihélt mikið af hitaeiningum sama daginn. Næsta dag áttu þeir að gera þetta í öfugri röð.

Niðurstaðan var að ef morgunverðurinn var stór en kvöldmaturinn lítill þá jókst hitamyndun líkamans sem stýrir brennslu hitaeininga. Þetta gerðist einnig ef sama magn hitaeininga var innbyrt yfir daginn. Vísindamennirnir komust einnig að því að hitaeiningasnauður morgunverður jók löngun í sætindi yfir daginn.

Dr Juliane Richter, aðalhöfundur rannsóknarinnar, segir að niðurstaðan sýni að það sé mikilvægt að borða góðan morgunmat.

„Að borða meira í morgunmat í staðinn fyrir kvöldmatinn getur komið í veg fyrir offitu og of hátt blóðsykurgildi.“