Orlando Bloom sló í gegn í kvikmyndunum um Hringadróttinssögu þar sem hann lék álfinn Legolas. Hann hefur einnig leikið í fleiri vinsælum myndum og er því ekki óvanur sviðsljósinu. En 2016 komst hann í sviðsljósið þvert gegn vilja sínum. Þá náðust nektarmyndir af honum þar sem hann var að róa á bretti á Ítalíu. Ekki nóg með það því fyrir framan hann sat unnusta hans, Katy Perry, sem er heimsþekkt söngkona.

Bloom var alsnakinn á myndunum. Áður en þær voru birtar á netinu var getnaðarlimur hans hulinn með svörtum lit. En það vakti athygli margra að svarti liturinn náði yfir ansi stórt svæði og því var fátt meira rætt um hríð en að Bloom væri ansi vel vaxinn niður.

Nýlega kom hann fram í þætti Howard Stern þar sem talið barst að myndunum. Þar staðfesti Bloom að hann hefði orðið reiður þegar þær voru birtar. En hann reyndi einnig að slá á væntingar áhugasamra.

„Það er ekki svona stórt í rauninni. Hlutir verða stærri þegar myndavélar með aðdráttarlinsu eru notaðar. Þetta er sjónblekking.“

Sagði Bloom.