Norður- og Suður-Kórea hafa ákveðið að sækja í sameiningu um að halda Ólympíuleikana 2032. Tilkynnt verður opinberlega um þetta á föstudaginn þegar Alþjóðaólympíunefndin fundar í Lausanne í Sviss.

AFP skýrði frá þessu í morgun. Fram kemur að Suður-Kórea muni benda á Seoul sem aðra keppnisborgina og að norðanmenn muni benda á Pyongyang sem hina keppnisborgina.

Þetta eru að sjálfsögðu stór tíðindi enda hefur ekki ríkt mikill vinskapur á milli þjóðanna frá lokum síðari heimsstyrjaldarinnar en mikil þíða hefur komist á í samskiptum þeirra á undanförnum misserum. Ákvörðunin um að sækjast í sameiningu eftir að halda leikana er árangur samningaviðræðna á milli landanna sem hófust á síðasta ári.

Jafnframt hefur verið ákveðið að löndin keppi undir einum fána á leikunum í Tókýó á næsta ári.

Ólympíuleikarnir fóru fram í Seoul 1998 og vetrarleikarnir á síðasta ári fóru fram í Pyenogchang.