Bergan er búsettur í Noregi og hugðist hann koma tengdaföður sínum á óvart í tilefni af 61 árs afmæli hans. Það var svo á þriðjudag að Bergan bankaði upp á heima hjá tengdaföður sínum áður en hann kom sér fyrir í runna skammt frá útidyrahurðinni. Þegar Dennis kom til dyra stökk Bergan fram og var hann þá skotinn í brjóstið.
Ástæða þess að Dennis mætti vopnaður til dyra var sú að hann hafði skömmu áður rifist við ættingja sinn sem hafði komið að heimili hans. Að sögn lögreglu sagði Dennis að honum hafi brugðið mjög þegar hann sá tengdason sinn stökkva út úr runnanum og talið að einhver hafi ætlað að ráðast á sig. Hann skaut því einu skoti en svo óheppilega vildi til að kúlan fór í hjartað á Bergan sem lést samstundis.
Lögregla telur að um sorglegt slys hafi verið að ræða og verður Dennis ekki ákærður vegna málsins.
