Níu ára stúlka í Illinois í Bandaríkjunum hefur verið ákærð vegna eldsvoða sem varð þremur börnum og tveimur fullorðnum að bana. Stúlkan er ákærð fyrir morð af fyrstu gráðu.

Eldurinn kom upp í hjólhýsi skammt frá þorpinu Goodfield þann 6. apríl síðastliðinn, en stúlkan er grunuð um að hafa kveikt í með þessum skelfilegu afleiðingum. Börnin sem létust voru eins og tveggja ára en 34 ára karlmaður og 69 ára kona létust einnig í brunanum.

Svo ungt barn hefur ekki sætt svo alvarlegri ákæru frá árinu 2006 að minnsta kosti, að því er bandarískir fjölmiðlar greina frá. „Þetta er harmleikur en eitthvað sem ég tel að við höfum þurft að gera,“ segir Greg Minger, saksóknari í Woodford-sýslu, um ákæruna gegn stúlkunni.

Verði stúlkan verður sakfelld verður stúlkan væntanlega á skilorði í minnst fimm ár, en þó ekki lengur en til 21 árs aldurs.