Anna litla fæddist eftir aðeins 34 vikna meðgöngu. Hún var tekin með bráðakeisaraskurði. Móðir hennar segist strax hafa áttað sig á að eitthvað var að barninu, meira en bara að hún væri fyrirburi.

Húð stúlkunnar byrjaði að stífna skömmu eftir fæðinguna og hjúkrunarfólkið vissi ekki hvernig það átti að bregðast við. Ástæðan fyrir þessu er sjaldgæfur húðsjúkdómur sem heitir iktyose en hann leggst á 1 af hverjum 300.000. Það einkennir sjúkdóminn að húðin fær ytra lag sem líkist einna helst skeljum, hún getur orðið gróf og þykk og minnir því að vissu leyti á húð fiska.

Skömmu eftir fæðinguna varð Jennie Wilklow, móðir Önnu, að hætta í vinnunni því Anna þarfnast stöðugrar umönnunnar. Á Facebooksíðunni Hope for Anna er sagt frá henni og lífi hennar.

Vinur fjölskyldunnar hefur hrundið fjársöfnun af stað fyrir fjölskylduna og einnig safnar fjölskyldan peningum sem verða látnir renna til rannsókna á sjúkdómnum.

Foreldrar Önnu segja hana vera lífsglatt barn sem þau gætu ekki elskað meira þótt hún væri ekki með þennan sjúkdóm. Hún mun aldrei ná bata en hægt er að hjálpa henni með því að baða hana oft og bera mikið af kremum á hana.