Í síðustu viku tilkynnti Hell Pizza að umrædd pizza væri í raun algjörlega kjötlaus. „Nautakjötið“ var búið til úr grænmeti eins og oft er notað í staðinn fyrir kjöt. BBC skýrir frá þessu.
Í tengslum við söluna á pizzunni gerði Hell Pizza könnun meðal viðskiptavina sinna og sögðu 70 prósent þeirra að „grænmetiskjötið“ bragðaðist nákvæmlega eins og kjöt. 80 prósent sögðu það hafa komið sér þægilega á óvart þegar þeim var sagt að „kjötið“ væri í raun grænmeti. 70 prósent aðspurðra sögðust vel geta hugsað sér að panta svona pizzu aftur.
Ben Cumming, forstjóri Hell Pizza, sagði í fréttatilkynningu að margir geti ekki hugsað sér að borða kjöt sem ekki er kjöt. Af þeim sökum hafi verið ákveðið að upplýsa ekki að pizzan var algjörlega kjötlaus, svo viss hafi keðjan verið um að fólki myndi líka við pizzuna.
En það eru ekki allir sáttir við þetta uppátæki Hell Pizza og hafa margir viðskiptavinir keðjunnar lýst yfir megnri óánægju með þetta. Sumir hafa bent á að fólk eigi að geta valið hvort það vilji borða kjöt eða ekki og aðrir hafa bent á að til sé fólk sem sé með ofnæmi fyrir ýmsum vörum úr grænmeti.