Það skiptir máli að vera vel á verði þegar ung börn eru annars vegar enda slysin fljót að gerast. Móðir ein í Medellín í Kólumbíu sýndi ótrúleg viðbrögð þegar ungur sonur hennar var næstum búinn að fara sér að voða.
Eins og meðfylgjandi myndband sýnir voru móðirin og sonurinn að stíga út úr lyftu í Laureles Colonial-byggingunni í miðborg Medellín. Pilturinn hætti sér of nálægt handriði við hlið lyftunnar, missti jafnvægið þegar hann ætlaði að grípa í það og datt á milli. Þegar allt benti til þess að drengurinn myndi steypast niður af fjórðu hæðinni niður á þá þriðju stökk móðirin til og greip í fætur hans.
Ekki fylgir frétt El Espactador, sem evrópskir fjölmiðlar vitna til, hvort drengurinn hafi slasast. Þar sem móðurinn tókst að grípa hann verður að teljast líklegt að hann hafi sloppið heill að mestu.
Myndbandið má sjá hér að neðan:
