Myndbandið hér fyrir neðan er eitt það vinsælasta á netinu þessa dagana en á aðeins 5 dögum fékk það 60 milljón áhorf. Það sem hefur væntanlega heillað áhorfendur er hin orkumikla, skælbrosandi og hæfileikaríka Katelyn Ohashi sem er í aðalhlutverki. Hún er 21 árs fimleikakona í UCLA Bruins sem er fimleikalið Kaliforníuháskóla. Á aðeins einni viku er hún orðin heimsþekkt.

Myndbandið var tekið upp um síðustu helgi þegar kvennalið fjögurra heimsþekktra bandarískra háskóla öttu kappi í Collegiate Challenge að sögn BBC.

Á Twittersíðu UCLA fimleikaliðsins hefur myndbandið fengið rúmlega 40 milljónir áhorfa frá því á sunnudaginn.

Katelyn Ohashi fékk hæstu mögulegu einkunn, hina fullkomnu tíu, fyrir frammistöðu sína og var kjörin ”Muscle Milk Student-Athlete of the Week”. Lið hennar sigraði í liðakeppninni.