Klukkan 02.55 í nótt varð öflug sprenging í Malmö í Svíþjóð. Hún varð í stigagangi fjölbýlishúss í Rosengård hverfinu. Töluvert tjón hlaust af, eldur kviknaði í rafmagnstöflu og útidyrnar flugu af stigaganginum. Þetta var önnur sprengingin á nokkrum klukkustundum í borginni.

Klukkan 21.34 í gærkvöldi varð sprenging í anddyri fjölbýlishúss í Censorgatan og eyðilagðist forstofan þar. Enginn meiddist í þessum tveimur sprengingum.

Sunnudaginn 9. desember sprungu tvær sprengjur í borginni með tuttugu mínútna millibilo og slasaðist 18 ára maður í tengslum við aðra þeirra. Hann er grunaður um að hafa staðið að baki sprengingunum.