Sjóbirtingsveiðin gengur ágætlega og veiðimenn eru ennþá að fá fína veiði. Vaskur hópur veiðimanna var að koma úr Geirlandsá og þeir fengu saman 22 birtinga. Ari Lillle Jósefsson var í þeir hópi og gefum honum orðið.

,,Já, við vorum að koma úr Geirlandsánni veiðifélagarnir til að hrista af okkur veturinn og það gekk vel og við fengum 22 fiska. Flestir voru þeir 4 til 5 punda en einn hrygna var 12 pund. Þetta byrjar vel og svo í lokin fengum við okkur vöfflur og rjóma. Þetta gat bara ekki verið betra,“ sagði Ari fluguhnýtari í stuttu spjalli við okkur.

Við höfum fengið spurnir af ágætis veiði víða um land. Tungulækur og Tungufljótið eru vinsælir staðir og þar hefur veiðin verið ágætasta móti.

Myndir. Fjör við bakkanna á Geirlandsá fyrir nokkrum dögum.