Ef þú hefur vanið þig á að skola hráan kjúkling eða hella safanum af honum í vaskinn þá skaltu lesa þetta. Þú ættir nefnilega að hætta þessu alveg. Ástæðan er að bakteríur af yfirborði kjúklingsins geta valdið veikindum hjá fólki.

Þegar kjúklingur er skolaður dreifast bakteríurnar, sem eru á yfirborði hans, um. Þær geta slest á vaskinn og upp á vegginn. Það er því betra að þær sitji fastar á kjúklingnum sem verður síðan eldaður en þá drepast bakteríurnar og verða þar með skaðlausar. Bakteríurnar sem hér um ræðir eru kampýlóbakter sem geta valdið svæsnum sýkingum í maga og þar með heiftarlegum niðurgangi og almennri vanlíðan.

Það er því snjallræði að nota eldhúspappír til að þerra kjúklinginn og þurrka safan af honum og henda pappírnum síðan beint í ruslið.