Þessi uppskrift er tileinkuð öllum vel þroskuðu bönununum sem bíða óþreyjufullir eftir því að breytast í gott bananabrauð. Ekki láta þá bíða lengur.
Hráefni
- 170 g Hveiti
- 25 g Kakó
- 1 tsk Matarsódi
- 115 g Smjör, við stofuhita
- 200 g Sykur
- 2 stk Egg
- 3 stk Bananar, stappaðir
- 120 g Sýrður rjómi
- 1 tsk Vanilludropar
- 100 g Súkkulaðidropar
- 1 stk Salt
Leiðbeiningar
- Þeytið smjör og sykur saman þar til blandan er orðin létt og ljós. Bætið þá eggjum saman við, einu í einu.
- Blandið þurrefnum saman í skál og bætið svo saman við eggjablönduna. Þeytið rólega saman þar til deigið hefur rétt svo blandast saman (ekki ofþeyta).
- Bætið bönunum, sýrðum rjóma og vanilludropum saman við.
- Endið á að láta súkkulaðidropana varlega saman við með sleif.
- Látið deigið í smurt brauðform og bakið í 170°c heitum ofni í að minnsta kosti eina klukkustund. Stingið prjóni í brauðið til að kanna hvort það er bakað í gegn.
Þú getur keypt allt sem þarf í þessa uppskrift og annað fyrir vikuna á Heimkaup, og fengið vörurnar sendar heim eða í vinnuna, einfalt og þægilegt.
