Mikið var um dýrðir í Lyon í dag á Bocuse d’Or og má með sanni segja að Norðurlöndin hafi verið sigursæl. Úrslit­in á Bocu­se d’Or voru kunn­gjörð seinnipartinn í dag og það voru Dan­ir sem báru sig­ur úr být­um. Í öðru sæti voru Norðmenn og Ung­verj­ar í því þriðja. Sví­ar tóku fjórða sæti, Frakk­ar í því fimmta, Finn­ar í sjötta sæti og Bret­ar í því sjö­unda. Íslend­ing­ar voru í átt­unda sæti og má því með sanni segja að Norður­landaþjóðirn­ar hafi farið á kostum í þess­ari keppni og séu í sérflokki þegar kemur að matargerðarlist.

Bocuse d´Or heimstmeistara keppni einstaklinga matreiðslu var haldin í Lyon í Frakklandi í gær og í dag. Sigurjón Bragi Geirsson keppti fyrir hönd Íslands í þessari virtustu matreiðslukeppni heims, Bocuse d´Or. Alls voru fulltrúar 24 þjóða að keppa, en þær þjóðir fá keppnisrétt í Lyon eftir að hafa unnið til þess í forkeppni í sinni heimsálfu.

Sigurjón hreppti titilinn Kokkur Ársins 2019, náði 5. sæti í Bocuse d´Or Europe í Búdapest í október 2022. Undirbúningur hefur staðið yfir mánuðum saman og tæpt tonn af eldhúsáhöldum og tækjum hefur verið sent til Lyon. Þjálfari Sigurjóns er Sigurður Laufdal, Bocuse d´Or keppandi 2013 og 2021, og aðstoðarmaður Sigurjóns er Guðmundur Bender.

Hér má sjá íslenska teymið sem fór út. en þetta eru Sigurður Kristinn Laufdal Haraldsson, Guðmundur Halldór Bender, Sigurjón Bragi Geirsson, Friðgeir Ingi Eiríksson og Dagur Hrafn Rúnarsson. Einnig fóru þeir Hinrik Örn Halldórsson og Egill Snær Birgisson sem vantar á myndina.