Aðdáendur íþróttadrykkjarins Gatorade hafa víða gripið í tómt að undanförnu þegar þeir hafa ætlað að kaupa drykkinn í matvöruverslunum og kurr skapast vegna þessa á samfélagsmiðlum.

„Það er von á nýrri sendingu í vikunni sem fer í að fylla á þær hillur sem nú eru tómar en í næstu viku kemur stór sending til landsins og hún ætti að tryggja nægt vöruframboð,“ segir Gunnar B. Sigurgeirsson, aðstoðarforstjóri Ölgerðarinnar sem flytur inn Gatorade.

Sigurður segir sölu á Gatorade hafa aukist á síðustu vikum og mánuðum, umfram það sem spár gerðu ráð fyrir, og því hafi drykkurinn selst upp víða.

„Sennilegasta skýringin er vaxandi áhugi Íslendinga á útiveru og annarri hreyfingu en Gatorade er afar vinsælt í göngur, hlaup, hjólreiðar og svo má náttúrulega ekki gleyma þeim tugþúsundum sem hafa haldið á gosstöðvarnar með Gatorade í bakpokanum,“ segir hann.

Aðspurður segir hann bláan Gatorade vera vinsælustu tegundina, en það er Gatorade með hindberjabragði. „Blár hefur verið vinsælastur um langa hríð,“  segir hann og veit ekki betur en að sá blái tróni víðast hvar annars staðar á topppnum.