Ljósmyndarinn, listakonan og leikstjórinn Saga Sigurðardóttir hefur næmt auga fyrir fegurð lífsins hvort sem það er góður kaffibolli eða málverk. Hún deilir hér með lesendum DV sínum fimm uppáhalds veitinga- og kaffihúsum.
1. Mikki Refur – Hverfisgötu
„Besta kaffið í Reykjavík, geggjaðar samlokur og náttúruvin – og ekki spillir fyrir að uppáhalds búðirnar mínar raðast í kring. Norr11, Húrra, Stefánsbúð og Hildur Yeoman.“
2. Kaffi Vest – Melhaga
„Langafi minn var bóndi í Vesturbæ áður en þar varð byggð og hlaðan hans stendur meira segja enn á Tómasarhaganum svo að ég er „orginal“ vesturbæingur. Kaffi Vest er mitt hverfiskaffihús og ég elska að koma þar við og ná mér í kaffi.“
3. Systrasamlagið – Öldugötu
„Allt gott og fallegt þar og ég kem alltaf endurnærð þaðan. Ég mæli með cermonial kakói og túrmerik skoti.“
4. The Coocoos’s Nest – Grandagarði
„Ég er mjöööög mikill Coocoo’s / Lúnu Flórens fan og ekkert betra en vegans bröns um helgar og kökusneið frá Bauninni í eftirrétt. Það er svo góður andi hjá þeim og allt svo fallegt. Grandinn er líka í uppáhaldi fallegar búðir í kring svo gaman að rölta þangað.“
5. Te og Kaffi – Borgartúni
„Hversdags kaffið mitt kaupi ég í Borgartúninu í Te og Kaffi. Það er svo geggjuð þjónusta þar.“