Stjörnu-Sævar hefur í mörg ár barist ötullega fyrir bættri vitund landsmanna um loftslagsvána. Ástríða hans fyrir umhverfismálum hefur afgerandi áhrif á mataræði hans og lýsir hann sjálfum sér sem vistkera. Hann deildi nýlega með okkur hvað hann borðar á venjulegum degi.
Sjá einnig: Þetta borðar Stjörnu-Sævar á venjulegum degi
Hér deilir hann uppskrift að gómsætu klístruðu tófú.
„Þessi tófú-réttur slær alltaf í gegn, meira að segja hjá hörðustu kjötætum,“ segir Sævar.
Sósa
Toppur
Pressið tófúið og þerrið, skerið í teninga. Þekið með maizenamjöli. Hitið olíu á miðlungsháum hita og steikið tófu þar til það er orðið gyllt á öllum hliðum. Setjið til hliðar.
Skolið tvo bolla af hrísgrjónum undir köldu vatni til að losna við sterkjuna. Sjóðið svo þar til grjónin eru orðin mjúk.
Setjið olíu á pönnuna ásamt 4 msk. af smjöri. Mýkið skallotlaukinn, hvítlauk og engifer við miðlungshita. Bætið þá við svörtum pipar og sykri og hrærið þar til sykurinn hefur bráðnað. Setjið þá 10 msk. af sojasósu út í. Bætið við chilipipar og vorlauk og steikið í stutta stund. Bætið þá tófúinu saman við svo allir bitarnir verði þaktir. Setjið loks 1 msk. af smjöri út í.
Setjið hrísgrjónin á fat og tófúið ofan á. Toppið með ferskum smátt skornum vorlauk, kóríander, kasjúhnetum, chilipipar og kreistið límónusafa yfir (mjög mikilvægt til að fá sýru við sætuna og saltið).
Njótið!