Berglind Guðmundsdóttir matarbloggari á Gulur, Rauður, Grænn og Salt hefur löngum skarað fram úr í eldhúsinu og verið ein sú allra vinsælasta á vefnum. Berglind er ekki bara flink í pottabramlinu heldur er hún líka með dásamlega rödd sem landsmenn fá að njóta í hlaðvarpsþáttunum Matur fyrir Sálina.
DV hafði samband við Berglindi og bað hana að velja sínar 5 uppáhalds uppskriftir. Svörin koma munnvatnskirtlunum svo sannarlega í yfirvinnu.
„Þetta eru uppskriftir sem eiga það sameiginlegt að vera ofureinfaldar í gerð en um leið alveg vandræðalega góðar. Þetta er ekki bara mitt álit því þessar uppskriftir voru allar meðal þeirra sem fylgjendur GRGS nefndu sem sínar uppáhalds. Með þessar uppskriftir við hönd geta allir orðið meistarakokkar og slegið í gegn í næsta matarboði,“ segir Berglind og brosir svo að eldhúsið verður yfirlýst.
Uppáhalds kjúklingarétturinn með piparosti, hvítlauk og pestó
Frönsk súkkulaðikaka með pekanhnetukurli og heitri karmellusósu
Tæland og vandræðalega góð kjúklingasúpa með hnetusmjöri og rauðu karrý
