Það er tilvalið að bjóða þínum nánustu í páskabröns og njóta þess að eiga góð stund saman. Ekki er verra að grípa í spil, fela marglit páskaegg í garðinum eða búa til heimagert bingó eftir matinn.

Klikkuð kjúklingabaka

4 egg
2 msk. rjómi
Salt og pipar
1 tsk. paprikukrydd
200 g kjúklingur, eldaður og rifinn niður (ég var með heilan kjúkling í matinn kvöldið áður og notaði afganginn af honum)
½ camembert ostur
100 g spínat
½ rauð paprika
150 g sveppir
10 kirsuberjatómatar
1 hvítlauksrif
Smá smjör til steikingar

Aðferð:

Byrjið á að skera niður spínat, sveppi, tómata, papriku og raspa niður hvítlauksrif.

Steikið grænmetið á pönnu upp úr smá smjöri og saltið og piprið að vild.

Setjið kjúklinginn saman við blönduna og hellið öllu í eldfast form, mér fannst betra að setja bökunarpappír í botninn og bar ég bökuna fram á honum.

Hrærið eggin og rjómann saman í skál og hellið yfir kjúklinginn og grænmetið í forminu.

Skerið camembert ostinn niður og leggið ofan á blönduna, stráið paprikukryddi yfir og bakið í ofni við 180 gráður í um 30 mínútur.

Takið bökuna út úr ofninum og leyfið henni aðeins að jafna sig áður en bökunarpappírnum er lyft upp úr forminu.