„Senn líður að áramótum og þegar ég  fór  að  hugsa  um  hátíðlegan  eftirrétt sem tekur ekki of langan tíma,  datt  mér  í  hug  einfaldar,  góðar  bollakökur  sem  ekki  ætti  að  vera  erfitt  að  leika  eftir.  Til  þess að gera þær aðeins öðruvísi en  vanalega  ákvað  ég  að  setja  smá kampavín saman við smjör-kremið.  Á  toppinn  setti  ég  svo  fallegar lakkrís konfektkúlur frá HR konfekti, en það kæmi einnig vel út að setja smá matar-glimmer eða annað skraut,“ segir Una Guðmundsdóttir matgæðingur DV.

Bollakökur

260 g hveiti
180 g sykur
6 msk. bökunarkakó
1 tsk. salt
1 tsk. matarsódi
3 egg
2 tsk. vanilludropar
160 ml olía
200 ml kalt vatn

Byrjið á að stilla ofninn á 180 gráður.

Þeytið saman egg og sykur þar til blandan verður létt og ljós.
Sigtið saman við blönduna kakó og flórsykur.
Blandið næst öllum hinum hráefnunum saman við og hrærið vel.

Setjið um 2 msk. í hvert form.

Bakið í um 16-18 mínútur.

Takið kökurnar út og leyfið þeim að kólna áður en kremið er sett á þær.

Vanillukrem með kampavínsbragði

500 g smjör (mjúkt)
500 g flórsykur2 tsk. vanilludropar
1 dl kampavín eða freyðvín

Hrærið saman smjör og flórsykur.
Bætið vanilludropum saman við. Bætið freyðivíninu saman við að lokum og hrærið varlega.
Það er frábært að setja krem-blönduna í sprautupoka og sprauta því fallega ofan á hverja köku og setja svo fallega konfekt-kúlu á toppinn